Вазирлар Маҳкамаси матбуот хизмати маълум қилишича, ҳукумат бензин нархларини барқарорлаштириш ва ички бозорни устувор таъминлаш мақсадида бензин экспортига тақиқ қўйган.

“Коммерсант” нашри билан суҳбатлашган экспертларнинг фикрича, экспортни тақиқлаш фақат нархларнинг ўсишини секинлаштириши мумкин, аммо улар жиддий пасаймайди.

25 март куни Украина томонидан Ленинград вилоятидаги Уст-Луга портига берилган зарбалардан сўнг Россия экспорти чекланган.  

Унинг сўзларига кўра, шу сабабли яқин вақт ичида нефтни қайта ишлаш ва қазиб олиш даражаси пасайиши мумкин. АҚШ ва Исроилнинг Эронга қарши уруши ва Ҳормуз бўғозининг амалда ёпилиши фонида бензин нархи ошди, бу бўғоз орқали жаҳон нефтининг 20 фоизи ўтади. Уруш туфайли Brent маркали нефть нархи 9 март куни бир баррель учун 100 доллардан ошди. Савдолар авжига чиққан пайтда нефть нархи 126 долларгача кўтарилди, аммо кейинчалик нархлар 110 доллар даражасида барқарорлашди.

АҚШ маъмурияти нефть нархи бир баррель учун 200 долларгача кўтарилса, иқтисодиёт қандай муаммоларга дуч келишини ўрганмоқда, деб ёзган эди Bloomberg 25 март куни.

• АҚШ
• Бензин
• Экспорт
• Eron
• Россия