Россия ва Беларус учун ягона валютани жорий этиш ҳозирда кун тартибидаги масала эмас. Бу ҳақда Беларус президенти Александр Лукашенко айтди.

"Бизда Банклараро Валюта Кенгаши (Россия Марказий банки ва Беларус Миллий банки - таҳр.) борлиги ҳақида ҳеч қандай савол туғилмайди. Ягона валюта яратиш ва бошқалар ҳақида гап кетганда, бу осон жараён эмас. Шунингдек, биз Россия президенти билан келишиб олганимиздек, ушбу жараён бугунги кунларда муҳокама қилинмайди”, – дейди Беларус раҳбари Александр Лукашенко.

Беларус раҳбари Россия Федерацияси Марказий банки раҳбаридан ниманидир "ўрганишни", бугунги кунда кўплаб давлат раҳбарларининг оғзида бўлган бир қатор саволларни беришни хоҳлашини таъкидлади.

“Буни сўзлаган нутқларимиздан ҳам сезишингиз мумкин. Эҳтимол, биз жуда кўп гапирамиз, бирон нарсани билгандек бўламиз (масалан, захира валютаси ва бошқалар), лекин биз бу қачон бўлишини ва қандай ривожланишини тушунмаяпмиз. Шунинг учун бу саволлар мени энг кўп қизиқтиради. Сизнинг нуқтаи назарингиз, мутахассисларингизнинг нуқтаи назари”, – деди Беларус президенти.

• Беларусь
• Лукашенко