15°
Кечаси 2°
Россия хавфсизлик Кенгаши котиби Сергей Шойгу Эрон миллий хавфсизлик олий кенгаши котиби Али Аҳмадиян билан телефон орқали суҳбат ўтказди. Унда Эрон ва Россия юқори даражадаги ҳамкорликни давом эттириши таъкидланган.
“Эрон Миллий хавфсизлик олий кенгаши котиби билан телефон орқали суҳбатда Сергей Шойгу икки мамлакат ўртасида турли соҳаларда юқори даражадаги ҳамкорликни давом эттиришни таъкидлади”, – дейилади Эрон телевидениесининг расмий Телеграм каналида.
Шойгу, шунингдек, Эроннинг марҳум президенти Иброҳим Раисий, Ташқи ишлар вазири Хосейн Амир Абдоллахиан ва бошқа бир қатор юқори мартабали шахсларнинг 19-май куни мамлакат шимоли-ғарбий қисмида вертолёт ҳалокатида ҳалок бўлиши муносабати билан ҳамдардлик билдирган.
Шу билаб бирга, Эрон миллий хавфсизлик Олий кенгаши котиби россиялик ҳамкасбига таъзия изҳор этгани учун миннатдорчилик билдириб, унга янги лавозимда муваффақият тилаган. Шунингдек, Али Аҳмадиян Шойгуни Теҳронга таклиф қилган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
