Бугун миллионер блогер Аяз Шабутдинов Москвада қўлга олинган. ТАСС агентлигининг хабар беришича, миллиардер блогер бугун ФХХ ва ИИВ Иқтисодий хавфсизлик ҳамда коррупцияга қарши курашиш бош бошқармаси ходимлари томонидан унинг ижарага олинган квартирасида ҳибсга олинган.

Шунингдек, Шабутдинов хориждан келиши биланоқ қўлга олингани айтилмоқда. Ишончли манбаларнинг хабарларига кўра, блогерга қарши шикоят аризалари мавжуд. Қолаверса, солиқлар билан муаммолари борлиги даъво қилинмоқда.

Аяз Шабутдинов бой ва муваффақиятга эришмоқчи бўлганлар учун бизнес курсларини ваъда қилувчи “Лике Сентер” компанияси асосчиси. Яна ҳам аниқроқ қилиб айтганда “мотиватор”. Унинг ижтимоий тармоқларда 1,9 миллион обуначиси бор.

• Бизнес
• Блогер
• Россия