Фавқулодда вазиятлар вазирлигининг Ми-8 вертолёти Карелиядаги Онега кўли узра ғойиб бўлди. Бу ҳақда “ТАСС” агентлигига Россия Фавқулодда вазиятлар вазирлиги маълум қилган.

“Онега кўли сувлари устида ўқув парвози пайтида Россия Фавқулодда вазиятлар вазирлигининг Шимоли-Ғарбий авиация қутқарув марказининг Ми-8 вертолёти Карелия Республикаси, Прионежский тумани, Деревянное қишлоғи ҳудудида алоқани тўхтатди”, — дейилади вазирлик хабарида. Шунингдек, самолёт бортида уч нафар экипаж аъзоси бўлган. Ҳозирда қидирув-қутқарув ишлари ташкил этилган.

Кейинроқ, “Mash” Telegram каналида эса йўқолган Ми-8 вертолёти қолдиқлари Деревянное қишлоғидан 10 километр узоқликдаги Онега кўлидан топилган.

Эрталаб вертолёт қулаган сувда қидирув ишларини давом эттириш учун ғаввослар юборилгани айтилган.

Ушбу Ми-8 2004 йилдан бери ишлайди ва Фавқулодда вазиятлар вазирлигида рўйхатдан ўтган. Кема капитани Евсеев ва экипаж аъзоларининг тақдири ҳозирча номаълум.

• ФВВ
• Vertolyot