Россиянинг Новосибирск шаҳрида қийин аҳволда қолган аёлнинг фарзандига туғилганлик тўғрисидаги гувоҳнома расмийлаштирилди ва улар Ўзбекистонга қайтарилди.

“Ўзбекистон Бош консулхонаси дипломатлари Россиянинг Новосибирск шаҳрида мушкул аҳволда қолган фуқароларнинг Тошкентга қайтишига кўмаклашди”, – деб хабар қилмоқда Дунё ахборот агентлиги.

Дипломатлар фуқаро М.Т.нинг Новосибирск шаҳрида дунёга келган қиз фарзанди учун туғилганлик тўғрисидаги гувоҳномани расмийлаштиришда зарур ёрдам кўрсатди. Амалга оширилган консуллик ҳаракатлари натижасида барча расмиятчиликлар қисқа муддатда ҳал этилди ва зарур ҳужжатлар аёлга топширилди.

Она ва бола 23 апрель куни “Новосибирск-Тошкент” авиарейси билан Ўзбекистонга соғ-саломат қайтган.

• Ўзбекистон
• Россия
• Тошкент
• fuqaro