Россия Ички ишлар вазирлиги паст “тил рейтинги” учун муҳожирларга жарима солишни таклиф қилмоқда.
Қайд этилишича, жазонинг миқдори ташриф буюрувчиларнинг рус тилини билишига боғлиқ бўлиши шарт. Бундан ташқари, рус тилини яхши билиш учун Ички ишлар вазирлиги мигрантларга солиқ имтиёзлари берилишини талаб қилмоқда.
“Тил рейтингини жорий этишнинг самарали таъсири мослашув давридан кейин, масалан, идентификация картаси олинган кундан бошлаб бир ойдан уч ойгача муддатда пайдо бўлиши керак. Агар рейтинг паст бўлса, бу рағбатлантириш – мослашиш тўлови”, – дейди Россия Ички ишлар вазирлигининг миграция масалалари бўйича вакили Валентина Казакова.
Казакованинг аниқлик киритишича, департамент фуқаронинг тилга мослашувини баҳолашнинг балл тизими – “тил рейтинги”ни жорий этишни таклиф қилмоқда. У хориж фуқароси ҳақидаги фактик маълумотларни баҳолаш алгоритми асосида ҳисоблаб чиқилади. Шундан сўнг, муҳожирларни рус тилини билиш даражасига кўра бир неча тоифаларга бўлиш таклиф қилинмоқда.
Валентина Казакованинг сўзларига кўра, муҳожирларга рус тилини яхши билиши учун шахсий даромад солиғидан чегирма бериш мумкин. Вазирлик таклифига кўра, чегирма миқдори 50 фоизгача етиши кутилмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!