Олий суд Россияда “Толибон” ҳаракати фаолиятини тақиқлашни тўхтатди. Бу ҳақда Риа Новости нашри хабар берди.

Судья Олег Нефедов “Россия федерацияси бош прокуратурасининг маъмурий даъво аризасини қондирилсин” – дея қарорни эълон қилган.

Мажлис ёпиқ шаклда бўлиб ўтди. Қарор дарҳол бажарилиши керак, аммо шикоят қилиниши мумкин.

Бош прокуратура тушунтириш беришича, декабрь ойида маъмурий суд ишларини юритиш кодексига ва “терроризмга қарши кураш тўғрисида” федерал қонунга киритилган ўзгартиришлар судга мурожаат қилиш учун ҳуқуқий асос бўлди. Агар улар терроризмни тарғиб қилиш, оқлаш ва қўллаб-қувватлашга ёки Россия манфаатларига қарши террористик жиноятлар содир этишга қаратилган фаолиятни тўхтатган бўлса, террористик ташкилотга нисбатан тақиқни тўхтатишга имкон беради.

“Ушбу ҳолатлар суд мажлисида тасдиқланди ва суд даъвонинг асослилиги тўғрисида хулосага келди”, - дея қўшимча қилди назорат идораси.

• Россия
• Терроризм
• Tolibon