Қирғизистонда 2023 йил халқаро жиноий доираларда “Коля-қирғиз” номи билан танилган маҳаллий криминал авторитет Қамчи Кўлбоев ҳибсга олиниши чоғида ўлдирилганди. Қирғизистонда Миллий хавфсизлик қўмитаси раиси Қамчибек Ташиев у “давлат манфаати учун” йўқ қилинганини айтгандан сўнг, Салимбойвачча борасида ҳам тўхталиб ўтган.

МХҚ раисининг сўзларига кўра, Қирғизистонда уюшган жиноятчилик даражаси шунчалик юқори бўлганки, жиноят олами вакиллари “бутун мамлакат бўйлаб ҳокимиятни эгаллаб, давлатникига ўхшаш бошқарув тизимини яратган”.

Бундан ташқари, “Вилоят, туман ва шаҳарларда улар тадбиркорлардан пул ундирарди. Бу кучли тузилма эди. Мен қонундаги ўғрини йўқ қилиш тўғрисида қарор қабул қилишга мажбур бўлдим. Тушунасизми, давлат манфаати учун. Биз уни, кейинчалик эса унинг шериклари ҳамда уюшган жиноий гуруҳнинг (УЖГ) бошқа аъзоларини йўқ қилдик”, – дейди Ташиев.

Ташиевнинг таъкидлашича, бугунги кунда мамлакат УЖГлардан холи, жиноят оламида эса “ҳеч нарса қолмаган”. У махсус хизмат улардан миллиардлаб долларни “тортиб олганини” қайд этган.

Қайд этилишича, ҳозир тадбиркорлар илгаригидек ҳеч кимга тўлов қилмайди УЖГлар йўқотилганидан кейин дастлабки пайтларда тадбиркорлар ҳатто кимга тўлаш кераклигини қидириб юрган.

• Қирғизистон