Кения шимолидаги Мояле шаҳрида Global Face Human Resources рекрутинг агентлиги асосчиси Фестус Омвамба қўлга олинди. Полиция маълумотларига кўра, ушбу тузилма орқали Кения фуқаролари Россияга ишга жойлаштириш ниқоби остида, аслида Украинадаги урушга юборилган.

Полиция вакилининг айтишича, Омвамба Россиядан қайтганидан кейин қочишга уринган. Пайшанба куни у Найробига олиб келиниб, одам савдоси билан шуғулланганликда айбланган. Иш аксилтеррор судида кўриб чиқилмоқда. Тергов маълумотларига кўра, ўтган йили Омвамба тузилмаси орқали Россияга камида 25 киши юборилган.

Аввалроқ Кения ҳукумати урушда қатнашиш учун жами 1000 дан ортиқ кениялик жалб қилинганини маълум қилганди. Расмий маълумотларга кўра, камида 89 нафар кениялик фронтда қолмоқда, 39 нафари касалхоналарда, 28 нафари бедарак йўқолганлар рўйхатида, яна бир эса қисми уйига қайтган. Камида бир нафар кениялик ҳалок бўлгани тасдиқланган.

• Keniya
• Россия
• Украина
• Уруш