“Самарқанд — Тошкент — Самарқанд” йўналишида қўшимча йўловчи поездлар ҳаракати йўлга қўйилди. Бу ҳақда “Ўзтемирйўлйўловчи” АЖ матбуот хизмати хабар берди.

Қайд этилишича, 2024 йилнинг 26-30 август кунлари Самарқанд шаҳрида “Шарқ тароналари XIII халқаро мусиқа фестивали” ўтказилиши ва Мустақиллик байрами муносабати билан йўловчиларга қулайлик яратиш мақсадида 2024 йилнинг 25 август кунидан 3 сентябрь кунигача 775/776-сонли “Самарқанд — Тошкент — Самарқанд” йўналишида “Афросиёб” электропоездининг қўшимча қатнови йўлга қўйилган.

Поезд қуйидаги жадвал асосида ҳаракатланади.

775-сонли “Самарқанд — Тошкент” йўналиши:

Самарқанд 11:11 — Тошкент 13:26.

776-сонли “Тошкент — Самарқанд” йўналиши:

Тошкент 13:51 — Самарқанд 16:05.

Маълумот учун, чипталарни нафақат темир йўл чиптахоналаридан, балки электрон тарзда ушбу ҳавола орқали харид қилишингиз мумкин: eticket.railway.uz

• Afrosiyob
• Поезд