Кеча, 10 сентябрь куни “Умра – 2024” мавсумининг навбатдаги босқич илк гуруҳ зиёратчилари Тошкент халқаро аэропортидан Саудия Арабистонига жўнаб кетди. Бу ҳақда дин ишлари бўйича қўмита ахборот хизмати хабар берди.

Қайд этилишича, мазкур рейсда Қорақалпоғистон Республикаси, Қашқадарё, Фарғона, Бухоро вилоятлари ва Тошкент шаҳридан 240 нафар умрачилар Жидда шаҳрига йўл олган.

Маълумот учун, зиёратчилар Мадина шаҳрида 3 кун, Макка шаҳрида эса 8 кун бўлишади. Зиёратчилар Мадинада Гранд Шаҳба, Макка шаҳрида эса Ал-Айям Элите ва Мармара Ҳотел сингари замонавий меҳмонхоналарда истиқомат қилишади.

Шунингдек, уларга 3 маҳал иссиқ овқат, ширинлик ва сархил мевалар тортиқ қилинади.

• Din ishlari bo‘yicha qo‘mita
• Умра