Исроилнинг Ғазо секторининг жанубидаги Хон Юнис ҳудудларидан бирига қилган зарбаси натижасида камида 40 киши ҳалок бўлган ва 60 киши яраланган. Бу ҳақда BBC NEWS хабар берди.

Исроил мудофаа армиясининг таъкидлашича, жангчилар Ғазо жанубидаги гуманитар зонада яширинча фаолият юритаётган XАМАС қўмондонлик марказига зарба беришган.

Ғазо фуқаро мудофааси вакили Маҳмуд Бассалнинг сўзларига кўра, Ал-маваси ҳудудида жами 200 дан ортиқ чодир бўлган. Шундан 40 тачаси вайрон қилинган. Шунингдек, у минтақадаги фаластинликлар зарба ҳақида олдиндан огоҳлантирилмаганлигини айтган.

Шунингдек, XАМАС назорати остидаги Ғазо Соғлиқни сақлаш вазирлигининг маълумотларига кўра, 7 октябрдан бери анклав ҳудудида 40 900 дан ортиқ одам ҳалок бўлган.

• Фаластин
• Isroil