Сирдарё вилоятининг Сардоба туманида ҳожатхонадан 3 кишининг жасади топилди. Сирдарё вилояти прокуратураси ҳодиса юзасидан расмий маълумот берди.

Маълум бўлишича, жорий йилнинг 27 апрель куни Сардоба тумани, “Файзлиобод” маҳалласида яшовчи фуқаролар М.А., А.А. ҳамда А.К.лар яшаш хонадонининг ҳожатхонасига ҳеч қандай эҳтиёткорлик чораларини кўрмасдан тушиб, бахтсиз ҳодиса туфайли вафот этган.

Мазкур ҳолат юзасидан Сирдарё вилояти прокурори С.Иматов раҳбарлигида туман прокурори А.Уралов, туман ИИБ бошлиғи А.Мўминов, туман прокуратураси терговчиси Ш.Норбўтаев ва туман ИИБнинг тезкор ходимлари томонидан воқеа жойи кўздан кечирилиб, тегишли тартибда баённомалар расмийлаштирилган.

Ҳозирда ушбу ҳолат юзасидан туман прокуратураси томонидан терговга қадар текширув ҳаракатлари олиб борилмоқда.

• Бахтсиз ҳодиса
• Сирдарё