“Россиянинг Красноярск ўлкасида оғир ҳаётий вазиятга тушиб қолган Ўзбекистон фуқароларига барча зарур амалий ёрдам кўрсатилди”, деб хабар қилмоқда “Дунё” ахборот агентлиги.

Ўзбекистоннинг Новосибирск шаҳридаги Бош консулхонаси ҳамда Миграция агентлигининг ваколатхонаси саъй-ҳаракатлари билан фуқаромиз вояга етмаган қизи билан биргаликда ватанга қайтарилган.

Маълум қилинишича, аёл Россия миграция қонунчилигини бузгани учун Красноярск ҳуқуқ-тартибот идоралари томонидан қўлга олинган. Унинг шахсий ҳужжатлари йўқолгани сабабли Хорижий фуқароларни вақтинча сақлаш марказида бўлган, қизи эса вояга етмаган болалар учун махсус муассасага жойлаштирилган.

Бош консулхона томонидан она-боланинг Ўзбекистонга қайтишига доир барча ташкилий ва ҳужжатли масалалар ҳал этилиб, Миграция агентлиги ваколатхонаси томонидан улар учун авиачипталар харид қилинган.

Она ва фарзанди Красноярск-Тошкент авиарейси орқали Ўзбекистонга қайтган.

• Агентлик
• Миграция
• Моддий ёрдам
• Ўзбекистонлик
• Россия
• migrant