Tesla инвесторлари акциядорларнинг йиллик йиғилиши трансляциясида компания раҳбари Илон Маскга бошқарувдаги ютуқлари учун деярли бир триллион долларлик мукофот тўлашни маъқуллашди. Йиғилишда Маскни мукофотлаш масаласи 75 фоиздан ортиқ ижобий овоз тўплаган ва қарор қабул қилинган.
Бироқ Маск ушбу мукофотни фақат компания капиталлашуви кейинги ўн йил ичида яна 7,5 триллион долларга ошган тақдирда олиши мумкин. Тўлов бир неча босқичда амалга оширилади ва у эришилган натижаларга боғлиқ бўлади. Ҳозирда Tesla’нинг бозор қиймати қарийб 1,5 триллион долларни ташкил этади.
CNBC телеканалининг хабар беришича, Илон Маск акциядорлар унга бир триллион долларлик мукофот тўлашни маъқулламаса, компанияни тарк этиш билан таҳдид қилган. Ушбу мукофотнинг мақсади – компания раҳбарининг келгусида ҳам Tesla фаолиятига тўлиқ эътибор қаратишини таъминлаш.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!