АҚШ президенти Доналд Трамп жорий йил 22–23 ноябрь кунлари Жанубий Африка Республикасида бўлиб ўтадиган G20 саммитида иштирок этмаслигини маълум қилди. Бу ҳақда у Америка бизнес-форумидаги чиқишида баёнот берди. Унинг сўзларига кўра, ЖАР “коммунистик тирания” ҳукмрон бўлган мамлакат сифатида G20 каби муҳим тузилмада қатнашишга лойиқ эмас.

“Жанубий Африкада G20 учрашуви бўлади. Мен у ерга бормайман”, — деди Трамп. У ЖАРни “Катта йигирматалик”ка муносиб давлат деб ҳисобламаслигини билдирган.

Шунингдек, G20 саммитига Россия президенти Владимир Путин ҳам бормайди. Саммит давомида Россия делегациясига президент маъмурияти раҳбари ўринбосари Максим Орешкин бошчилик қилади.

• Janubiy Afrika
• Трамп
• саммит