8°
Кечаси -2°
Онлайн қимор рекламасида иштирок этган таниқли қўшиқчи Сардор Ўртач ҳибсга олинган. Бу ҳақда “Cumhuriyet” хабар берди. Ҳозирда Сардор Ўртачга “пул тикиш ва қимор ўйинларига жалб қилиш” айби билан уй қамоғи жазоси тайинланган.
Суд мажлисидан кейин Ўртач ўз ишидан пушаймон эканини билдирган ва қуйидаги гапларни айтган: “Жуда афсусдаман. Ушбу қимор ўйинларига бўлган қарамлик туфайли мен уйимни, соғлиғимни ва оиламни йўқотдим. Энди эса суддаман”.
Онлайн қимор рекламаси доирасида гумонланаётган 23 киши орасида туркиялик актёр Меҳмет Али Эрбил, мусиқачи Зорбей Эркоч, 19 миллион обуначиси бор блогер Иброҳим Йилмаз, рус-турк блогери Александр Менсиков ва 1,3 миллион обуначига эга Эсма Сезен ҳам ҳибсга олинган. Улар маҳаллий Кибержиноятлар бўйича тергов бўлими томонидан қўлга олиниб, сўроқ қилингандан сўнг, прокуратура ҳибсга олиш тўғрисида судга талабнома юборган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
