31°
Кечаси 18°
Саудия Арабистони ҳукумати икки нафар ҳарбий хизматчини ватанга хиёнатда айблаб қатл қилди. Бу ҳақда Saudi Press агентлиги хабар берди.
Маълумотларга кўра, Саудия Арабистони ҳаво кучлари подполковниги Мажед бин Муса Авад ал-Балавий ва штаб-сержант Юсуф бин Рида Ҳасан ал-Азуний 2017 йилда ҳибсга олиниб, ўлим жазосига ҳукм қилинган. Суд ҳар икки ҳарбий хизматчи ҳам давлатга хиёнат қилиш, буйруқни бажармаслик ва “миллат манфаатларини ҳимоя қилишдан бош тортиш”да айбдор деган хулосага келди.
Суд жараёнида гумонланувчилар ўз айбларига иқрор бўлишган. Қироллик фармонига мувофиқ, ҳукм кеча, 14 сентябрь куни Саудия Арабистони жануби-ғарбида жойлашган Тоиф шаҳрида ўтказилди.
2021 йил апрель ойида Саудия Арабистони ҳукумати уч нафар ҳарбий хизматчини ватанга хиёнат ва “душман билан ҳамкорлик” учун қатл этган эди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
