Ўзбекистон Республикаси Президенти Шавкат Мирзиёев Икки муқаддас масжид ходими – Саудия Арабистони Подшоҳи Салмон бин Абдулазиз Ол Сауднинг таклифига биноан 17-18-август кунлари давлат ташрифи билан ушбу мамлакатда бўлади.

Ташриф дастурига мувофиқ, Жидда шаҳрида олий даражадаги Ўзбекистон-Саудия саммитининг асосий тадбирлари бўлиб ўтади.

Музокаралар кун тартибидан мамлакатлар ўртасидаги кўп қиррали ҳамкорликни, савдо-иқтисодиёт, инвестиция ва мамлакатларнинг долзарб масалалари ўрин олган.

Саммит якунида икки томонлама битимларнинг салмоқли тўпламини имзолаш режалаштирилган.

Ташриф дастурида Саудиянинг етакчи компаниялари, нуфузли халқаро тузилмалар – Ислом ҳамкорлик ташкилоти ва Ислом тараққиёт банки раҳбарияти билан учрашувлар ҳам кўзда тутилган.

Саудия Арабистонига давлат ташрифи чоғида давлат раҳбари барча мусулмонлар учун муқаддас Макка ва Мадина шаҳарларини зиёрат қилиши кутилмоқда.

• Makka
• Саудия Арабистони
• Шавкат Мирзиёев