Хабарингиз бор, Венгрия пойтахти Будапешт шаҳрида 45-Бутунжаҳон шахмат Олимпиадаси давом бўлиб ўтмоқда. Кеча, 12 сентябрь куни 2-тур баҳслари бўлиб ўтди. Амалдаги чемпион саналган Ўзбекистон йигитлар жамоаси Мисрни 3.5:0.5 ҳисобида мағлубиятга учратди. Қизлар жамоаси эса Ангола устидан 3:1 ҳисобида устун келди.

Мазкур турда Жаҳонгир Воҳидов ўрнига Жавоҳир Синдоров ҳаракат қилди. Айнан у Миср вакили Вафа Ҳамид билан дуранг қайд этди. Қолган барча иштирокчилар ўз баҳсларида ғалабага эришди.

Қизлар жамоасида ҳаракатланаётган Нилуфар Якуббоева Ангола вакилига мағлуб бўлди. Қолган уч шахматчининг ғалабаси Ўзбекистон қизларининг Ангола устидан ғалабасини таъминлади — 3:1.

Бугун, 13 сентябрь куни 3-тур учрашувлари ўтказилади. Унда Ўзбекистон эркаклар терма жамоаси хорватиялик шахматчиларга қарши баҳс олиб боради. Қизлар жамоаси мезбон Венгрия терма жамоасига қарши дона суради.

• Шахмат
• Vengriya