“Tata Steel Challengers 2025” мусобақасининг 4-турида ўзбекистонлик шахматчи Нодирбек Ёқуббоев ўйин олдидан ҳиндистонлик рақибининг қўлини сиқиб қўйиши керак эди. Аммо у бундай қилмади. Ушбу воқеа эса ижтимоий тармоқларда жуда кўп муҳокамаларга сабаб бўлмоқда. Ҳолат бўйича Ёқуббоевнинг ўзи изоҳ берар экан, бунинг сабаби ўз эътиқоди эканлигини айтган.

Ёқуббоев вазиятни қуйидагича изоҳлаган: “Бугун, 26 январь куни мен бу ҳақда Ирина Булмагага айтдим. У бунга рози бўлди. Аммо ўйин залига келганимда ҳакамлар менга ҳеч бўлмаганда “Намасте” ишорасини кўрсатишимни сўради. Дивя ва Ваишали билан ўйинларда эътиқодим ҳақида ўйиндан олдин айта олмадим ва ноқулай ҳолат юзага келди”.

Маълумот ўрнида, Нодирбек Ёқуббоев ушбу баҳсда ҳиндистонлик рақибига мағлуб бўлди. Шахматчи ҳозирда турнир жадвалида 10-ўринни қайд этиб келмоқда.

• Ҳиндистон
• Шахмат
• turnir