Мinerva City асосчиси, ҳиндистонлик тадбиркор Мурали Лал Жалан Kun.uz сайтига берган интервьюсида Тошкент шаҳар ҳокими Жаҳонгир Ортиқхўжаевни шантаж қилишда айбламоқда.

2021 йилнинг март ойида ҳокимликдаги шахсий йиғилишда ҳоким гўёки унга ултиматум қўйган: ё у ўзининг лойиҳаларидан бирини, масалан, Бектемир туманидаги “Leyk City”ни амалга оширишдан расман воз кечиши керак ёки 100 миллион доллар депозитга қўйиши керак.

Xabardor.uz жамоаси айнан шу мавзуда журналистик суриштирув олиб борди ва қуйидаги фикрларни билдиради:

Биринчидан, Kun.uz ўзининг резонансли материалини эълон қилишидан аввал нима учун шахсан Ортиқхўжаевга ёки Тошкент шаҳар ҳокимлиги ахборот хизматига мурожаат қилиб, вазиятни очиқламаган. Биламиз ўзини ҳурмат қилган ҳар бир медиа ёки ОАВ учун бу этик норма ҳисобланади.

Иккинчидан, Ўзбекистоннинг ОАВга тегишли қонунчилигида ҳам ахборот тарқатишда холис бўлиш, ҳаққоний ахборот бериш белигилаб қўйилган.

Учинчидан, журналист Ж.Ортиқхўжаевнинг оддий фуқаро ўлароқ, мамлакат пойтахтининг ҳокими ва Сенат аъзоси сифатидаги обрўсини тушириш, унинг шахсияти ва репутасиясига путур етказиши ҳуқуқий оқибатларга олиб келишини унутмаслиги керак.

Тўртинчидан, биз журналист Латиповнинг муаллифлик фикрларига қўшиламиз.  Жараёнга нисбатан муносабатнинг видео версияда ҳисоб рақами, ёзма версияда эса депозит ҳақида гап кетган. Нима учун бу мақола оддий муштарий фикри чалғитилмоқда??? Зотан молиячилар бу икки версиянинг фарқини жуда яхши тушунишади.

Бешинчидан, айтиш мумкинки, мазкур мақолада қора PR технологиялари яққол намоён бўлган. Ҳоким - ҳисоб рақам - депозит - шантаж занжири тузилиб, тарғиб қилинган.

Олтинчидан, хорижлик бизнесмен бундай айбловларни оммага овоза қилишдан олдин, ўзини ҳурмат қиладиган ОАВ вакиллари эса ушбу маълумотларни 3 тараф билан аниқлаштиришмай, ҳеч қандай далилларсиз оммага эълон қилишга ҳам ҳуқуқий ҳам этика жиҳатидан ҳақлари йўқ эканини унутмасликлари лозим эди. Ёзма далиллар, аудио тасма ёки гувоҳлар томонидан тасдиқловчи ҳужжатлар бўлсагина бу маълумотларни тарқатиш мақсадга мувофиқ деб биламиз.

Еттинчидан, бизга маълумки ҳозирда Мinerva City ўзи молиявий инқирозда ва қурувчилар томонидан кўплаб норозиликларга учраган. Бу қора PR ана шу инқироз ҳолатидан силлиқ чиқиш учун бир йўл эмаслигига ким кафолат беради. Биз шуни ҳам ўйлаб кўришимиз керакмикан?!

• Ҳокимлик
• Ортиқхўжаев