Швейцария мамлакатда Украина бўйича тинчлик конференцияси ўтказилишини эълон қилди. Бу ҳақда Швейцария федерал ҳукумати баёнотида айтилади, дея хабар бермоқда “Анадулу”.

Қайд этилишича, саммитдан мақсад Украинада кенг қамровли, адолатли ва мустаҳкам тинчликка эришишдир. Конференция июнь ойида Бюргенсток шаҳрида бўлиб ўтади. Швейцария ва Украина январь ойи ўрталарида глобал тинчлик саммитини ўтказиш режаларини эълон қилди.
Икки давлат президентлари Виола Амҳерд ва Владимир Зеленский Берндаги учрашувда яқин вақт ичида ушбу тадбирга тайёргарликни бошлаш ниятида эканликларини айтишган. Бироқ саммитнинг аниқ санаси маълум қилинмаган. Шу билан бирга, Зеленский Россияни учрашувга таклиф қилиш режаси йўқлигини таъкидлаган. Унда Украинанинг ҳудудий яхлитлигини қўллаб-қувватловчи барча давлатлар таклиф этилади, деди у.

• Shveysariya
• саммит