Вилоят ҳокими Акмалжон Махмудалиев Жанубий Кореянинг "Sun moon" университети президенти Сон Же Мун бошчилигидаги делегацияни қабул қилди. Мулоқот давомида 2023 йил декабрь ойида вилоятимиз вакилларининг мазкур нуфузли университетга ташрифи самарадорлиги алоҳида қайд этилди. Эришилган дастлабки келишувларнинг амалий жиҳатлари муҳокама қилинди.
Сон Же Мун Сирдарёда университет филиалини ташкил таклифини билдирди. Ўз ўрнида вилоят ҳокими Акмалжон Махмудалиев бундай ташаббусни қўллаб-қувватлашини таъкидлар экан, олийгоҳ фаолиятини йўлга қўйиш учун Гулистон шаҳри танланганини маъқуллади. Маълум қилинишича, бу ерда дастлаб IТ ва сунъий интеллект технологияларига асосланган бешта долзарб йўналишларда ўқитиш йўлга қўйилади. Яна бир аҳамиятли жиҳати, университетни саноат тармоқларига тайёр мутахассисларни тайёрловчи таълим кластерига айлантириш кўзда тутилган. Бунинг учун таълим жараёнлари ишлаб чиқариш билан тўлиқ интеграция қилинади.
"Мулоқот якунида томонлар илгари сурилган таклифлар бўйича амалий ишларни давом эттиришга келишдилар. Ўзаро ҳамкорлик меморандуми имзоланди", — дейилади вилоят ҳокимлиги Ахборот хизмати хабарида.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!