Актриса Ситора Фармонова ўзининг Instagram саҳифасида мухлисларидан бири ўзи ва оила аъзоларига таҳдид қилганини маълум қилди.

“Опангни менга бермасаларинг, уни ўлдириб, эшигингизга осиб кетаман, кафанлигини тайёрлаб қўяверинглар”, деб таҳдид қилган мухлис.

Ситора Фармонова ҳам унга муносиб жавоб қайтарган.

“Кўрпангга қараб оёқ узат, бориб ўзингни тенгингни топ”, деган актриса.

Маълум бўлишича, эркак муқаддам Россияда ишлаган, аммо депортация бўлгач Ўзбекистонга қайтган. Ҳамда спиртли ичимликларга ружу қўйган. Унинг дўстларидан бири Ситора Фармоновага уйланишни маслаҳат беради ва шу орқали бойиб кетиши мумкинлигини уқтирган. Эркакнинг онаси актриса билан боғланиб, ўғлининг руҳий касал эканини ва бу ишга унинг дўсти ундаганини айтиб, фарзандининг ҳаракатлари учун узр сўраган. Ҳозирда Ситора Фармонова бу бўйича тегишли органларга мурожаат қилган.

• Шоу-бизнес