Starlink’нинг Ўзбекистон бозорига чиқиши дастлаб 2023 йилга мўлжалланган эди. Кейинчалик сервис сайтида муддат 2025 йил деб кўрсатилди. Лекин бу муддат ҳам 2026 йилга кўчирилди. Режага кўра, Ўзбекистонда хизматлар келаси йили йўлга қўйилиши кутилмоқда.

Starlink тизими Ердан тахминан 550 км баландликда жойлашган сунъий йўлдошлар орқали ишлайди. У юқори тезлик ва паст кечикиш билан интернет узатиш имконини беради. Бу чекка ҳудудлар аҳолиси учун видеоқўнғироқ, онлайн стриминг ва турли рақамли хизматлардан узлуксиз фойдаланиш имкониятини яратади. SpaceX’нинг минтақада хизматни кенгайтириши рақамли инфратузилмани ривожлантиришда янги босқич бўлиши мумкин.

SpaceX компаниясининг паст орбитал йўлдошлари тўри орқали ишловчи Starlink сервиси 13 августдан Қозоғистон аҳолиси учун расман йўлга қўйилди. Бу мамлакатнинг энг чекка ҳудудларида ҳам барқарор интернетга уланиш имконини бермоқда. Тарифлар икки турда таклиф этилмоқда: Residential Lite ойига 23 минг тенге (тахминан 43 доллар) бўлиб, паст устуворликка эга; Residential Standart эса 31 минг тенге (тахминан 57,5 доллар) ва чексиз кириш имкони билан юқори устуворликни таъминлайди.

• Ilon_Mask
• Starlink