Маълум бўлишича, Трамп банклар ва суғурталовчилардан энг яхши шартларни олиш учун ўз активлари қийматини миллиардлаб долларга ошириб юборган.

Нью-Йорк судьяси Артур Энгорон АҚШнинг собиқ президенти Дональд Трамп бир неча бор фирибгарлик қилган деган қарорга келди. Бу штат прокурори Летитиа Жеймснинг фуқаролик даъвоси бўйича якуний суд қарори эмас, ишни кўриб чиқиш 2 октябрда яна давом этади.

Ҳозирча суд Трамп ва собиқ президентнинг ўғиллари Эрик ва Дональд банклар, суғурталовчилар ва бошқаларни алдаб, кўчмас мулк битимларини тузишда ва молиялаштиришни таъминлашда фойдаланиладиган ҳужжатларни расмийлаштиришда активларни сезиларли даражада ошириб, соф капитални ошириб юборишган деган хулосага келишган. Таъкидланишича, Трамп ўз активларини (жумладан, Нью-Йоркдаги Трамп минораси ва Флоридадаги Мар-А-Лаго қароргоҳи) 2,2 миллиард долларга ортиқча баҳолаган.

• АҚШ
• Фирибгарлик
• Nyu-York
• Суд
• Трамп