Суданнинг Омдурман шаҳри яқинида мамлакат Қуролли кучларининг ҳарбий самолёти қулаши оқибатида 46 киши ҳалок бўлди. Самолёт турар-жой биноларига қулаб тушди. 

Дастлабки маълумотларга кўра, техник носозлик ҳалокатга сабаб бўлган. Самолёт Судан армиясига тегишли эди. У Хартумдаги Вади-Сейидна авиабазасидан учганидан бир неча дақиқа ўтгач қулаб тушган. 

Самолёт бортида Судан ҳарбийлари ва тинч аҳоли бўлган. Улар орасида Хартум ҳарбий округининг собиқ қўмондони Баҳар Аҳмед ҳам бор эди. Жабрланганларнинг бештаси, шу жумладан иккита бола касалхонага ётқизилган. 

• Halokat
• Samolyot
• Судан