Исроил Ливанга ҳаво ҳужуми уюштирди. Қурбонлар бор.

Исроил ва “Ҳизбуллоҳ” бир-бирини ўққа тутишни тўхтатиш бўйича келишувга эришган бўлса-да кеча, 2 декабрь куни Исроил Ливанга катта ҳаво ҳужумларини амалга оширган. Бу ҳақда “Associeted Press” нашри хабар берди.

Қайд этилишича, бу ҳужумлар “Ҳизбуллоҳ” келишувни бузиб, бир неча марта ракета отганига жавобан амалга оширилган. Исроил томони ушбу ракеталар Ливан, Сурия ва Исроил чегараларининг кесишган ҳудудида жойлашган “Шебаа фермерлари” деб номланувчи минтақага отилганини билдирди.

Ливан Соғлиқни сақлаш вазирлиги Ҳарис қишлоғига қилинган ҳаво ҳужуми оқибатида беш кишининг ўлганини, яна икки киши яраланганини, Талууса қишлоғига уюштирилган ҳаво ҳужумида эса тўрт киши қурбон бўлгани ва икки киши яраланганини билдирган.

• Havo hujumi
• Isroil
• Livan