31°
Кечаси 18°
Буюк Британиянинг собиқ бош вазири Борис Жонсон ҳафта охирида амалдаги вазир Лиз Трасс истеъфога чиқиши ва ҳукмрон Консерваторлар партияси етакчиси ҳамда ҳукумат раҳбари лавозимига сайланишга тайёрлиги ҳақидаги тахминлар фонида мамлакатга қайтади. Бу ҳақда “The Daily Telegraph” нашри хабар берди.
Қайд этилишича, ҳозирда рафиқаси билан Доминикан Республикасида таътилда бўлган собиқ бош вазир уни Даунинг-стритда яна кўришни истаган ҳамкасбларидан кўплаб хабарлар олган. Аввалроқ, “The Times” газетаси 6 сентябрь куни ҳукумат раҳбари лавозимини тарк этган Жонсон Лиз Трасс истеъфога чиққанидан кейин бош вазирлик учун курашиш ниятида эканини маълум қилганди.
“The Daily Telegraph” Трасс бошқарувдан кетганидан сўнг бош вазир бўлишга номзодлар рўйхатини эълон қилди. Ёзги сайлов кампаниясида унинг асосий рақиби бўлган Риши Сунак асосий даъвогар бўлиб турибди. Нашр собиқ молия вазирининг ғалаба қозониш имкониятларини 62 фоизга баҳолаган. Иккинчи ўринда Британия парламенти Жамоатчилик палатаси етакчиси Пенни Мордаунт (33,3 фоиз) қайд этилган. Жонсон эса учинчи ўринни эгаллади: унинг Даунинг-стритга қайтиш имконияти бор-йўғи 5,3 фоизга баҳоланган.
Таъкидланишича, янги бош вазир номи 31 октябрдан кечиктирмай эълон қилиниши режалаштирилган.
Қайд этиш мумкин, Лиз Трасс 2022 йил 6 сентябрь куни ҳукумат бошқарувини эгаллаган бўлса-да, қиролича Елизавета II ва янги қирол Карл III билан ҳамкорлик қилишга улгурди. Яъни мамлакат вироллик тизимида ўзгариш юз берган пайтда айнан у Даунинг-стритда эди. Бундай ҳолат сўнгги бор 70 йил аввал юз берган.
Шу тариқа Трасс бош вазир лавозимида энг кам вақт ўтирган сиёсатчи сифатида Буюк Британия тарихида қоладиган бўлди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
