Сурхондарё вилоят Экология бошқармаси, Миллий гвардия бошқармаси ва жамоатчи инспектор ҳамкорлигидаги назорат рейд тадбири давомида Жарқўрғон тумани “Олтинтепа” маҳалласи “Оқтепа” массивида яшовчи фуқаро М.Х. ички ариқ қазиш жараёнида эҳтиётсизлик туфайли жийда дарахтини қўпориб олганлиги аниқланган.

Ҳолат юзасидан фуқаро М.Х.га Ўзбекистон Республикаси Маъмурий жавобгарлик тўғрисидаги Кодекснинг 79-моддаси 1-қисми билан маъмурий баённома расмийлаштирилган. Ҳуқуқбузар БҲМнинг 25 баробари — 10 миллион 300 минг сўм миқдорида маъмурий жарима қўлланилган.

Шунингдек, фуқаронинг ушбу эҳтиётсизлиги оқибатида ўсимлик дунёсига 9 млн  888 минг сўм зарар етказилганлиги ҳисобланган. М.Х.дан ҳуқуқбузарлик учун жами 20 млн 188 минг сўм ундирилиши белгиланган.

• Давлат экология қўмитаси
• Ҳуқуқбузарлик
• Жарима
• Сурхондарё