“Ўзенергоинспексия” Сурхондарё вилоят ҳудудий бошқармаси ва ҳуқуқни муҳофаза қилувчи органлар ҳамкорлигида ўтказилган назорат тадбирида Жарқўрғон туманида жойлашган “Й.АДЖД.” хусусий корхонасига қарашли автомобилларга газ тўлдириш компрессор шохобчасида комплекс ўлчов қувурига ўрнатилган торайтириш мосламаси давлат стандарт талабларига мос келмаслиги аниқланган.

Ҳолат юзасидан Электр энергияси, нефть маҳсулотлари ва газдан фойдаланишни назорат қилиш инспекцияси матбуот хизмати хабар бермоқда.

Ушбу қоидабузарлик натижасида дастлабки ҳисоб-китобларга кўра газ таъминоти корхонасига 2 млрд 197 млн сўмлик (845,1 млн метр куб табиий газ) зарар етказилганлиги маълум бўлган.

Мазкур ҳолатлар юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилган.

• AYQSh
• Газ
• Сурхондарё