Тошкент шаҳрида дзюдо бўйича Grand Slam мусобақасининг иккинчи кун беллашувлари ўтказилмоқда.

Кун якунига кўра, Ўзбекистон вакиллари 2 та кумуш ва 1 та бронза медалларига эга бўлишди.

-73 кг вазн тоифасида бронза медаллари икки ўзбек спортчиси қарама-қаршилигида Шаҳрам Аҳадов Обидхон Нўмоновдан устун келди ва бронза медалига сазовор бўлди. 

-70 кг вазн тоифасида Хуршида Раззоқбердиева финалгача етиб борди ва ҳал қилувчи баҳсда япониялик Рин Маедага имкониятни бой бериб, кумуш медаль соҳибасига айланди.

-81 кг вазн тоифасида Арслонбек Тожиев финалга қадар етиб борди ва ҳал қилувчи баҳсда IJF номидан баҳсларда қатнашаётган Тимур Арбузовга мағлуб бўлиб, кумуш медаль билан кифояланди.

Кеча мусобақанинг биринчи кунида полвонларимиз 1 та кумуш ва 4 та бронза медалини қўлга киритгандилар.

Шу тариқа, икки кун якунига кўра, Ўзбекистон терма жамоаси 3 та кумуш ва 5 та бронза медалига эга бўлиб турибдилар. Эртага, 2 март куни мусобақанинг сўнгги кун беллашувлари ўтказилади ва унда оғир вазнли дзюдочилар медаллар учун курашади. 

Медаллар жамғариш рейтингида дзюдо ватани Япония терма жамоаси пешқадамликни қўлга олган. Ўзбекистон терма жамоаси эса иккинчи ўринга жойлашган. Испания эса учинчи ўринни банд этган.

• Дзюдо
• Тошкент
• turnir