Ўзбекистоннинг биринчи Президенти Ислом Каримовнинг рафиқаси Татьяна Акбаровна Каримова набиралари билан Англия пойтахти Лондон шахрида йиғилишди. Сўнгги вақтларда Ижтимоий тармоқларда машҳур бўлиб қолган Марям Тиллаева ушбу саёҳатдан лавҳаларни ўзининг Инстаграм саҳифасига жойлади.

Лондонга саёҳати давомида Татяна Каримова Гулнора Каримованинг ўғли кичик Ислом Каримов ва қизи Имон Каримова, Лола Каримованинг фарзанди Марям Тиллаева ҳамда Имоннинг бўлажак турмуш ўртоғи билан кўришиб биргаликда шаҳар кезишган.

Татяна Каримованинг тўсатдан Англияга саёҳат қилишининг сабаби набираси Имон Каримова Лондондаги университетини битириши бўлди. Каримовлар оиласининг аъзолари эса бундай муҳим кунда Имоннинг ёнида бўлишни хоҳлашган.

Эслатиб ўтамиз, Ўзбекистон Республикаси биринчи Президенти Ислом Каримовнинг тўнғич қизи Гулнора Каримова 2013 йилдан буён бир қатор молиявий жиноятларда айбланиб, Зангиотадаги аёллар қамоқхонасида сақланмоқда. Биринчи Президентнинг аёли Татьяна Каримова эса Тошкентда яшамоқда. У Ислом Каримов хотирасини абадийлаштириш ва Каримов номидаги Республика жамоат фонди фаолиятини юритади.

Аввалроқ, Каримова қизини кўриш учун қамоқхонага киришга рухсат беришмагани ҳақида ёзиб, кейин ушбу постни ўчириб ташлаган эди.

• Гулнора Каримова
• Ислом Каримов
• Tatyana Karimova