Тошкент шаҳрида яшовчи 23 ёшли Ё.Н. ИИОга мурожаат қилиб, банк картасидан 170.000 сўм пуллар фирибгарлик йўли билан ўзлаштирилганлигини маълум қилган. Тезкор-қидирув хизмати Киберхавфсизлик бўлинмалари ходимлари томонидан ўтказилган тезкор-қидирув тадбирлари натижасида мазкур жиноятни Қорақалпоғистон Республикаси, Амударё туманида яшовчи 20 ёшли С.Р. содир этганлиги аниқланди.

Гумон қилинувчи сифатида тергов ҳаракатларига жалб этилган С.Р. интернет фойдаланувчиларига Телеграм мессенжерида гуруҳларга обуначи қўшиб беришини ваъда қилиб, алдовларга ишонган фуқароларнинг пулларини ўзлаштириб келганлиги маълум бўлди.

Мазкур ҳолат юзасидан Ўзбекистон Республикаси ЖКнинг 168-моддаси 3-қисми “г” банди билан жиноят иши қўзғатилиб, С.Р.нинг содир этилиб, фош этилмай қолган бошқа шу турдаги жиноятларга алоқадорлигини текшириш мақсадида тергов, тезкор-қидирув ҳаракатлари давом эттирилмоқда.

Қонунга мувофиқ, Ўзбекистон Республикаси Жиноят кодексининг 168-моддаси 3-қисми “г” бандидаги жиноий хатти-ҳаракатлар учун 5 йилдан 8 йилгача озодликдан маҳрум қилиш жазоси назарда тутилган.

• ИИБ
• Киберхавфсизлик
• Тошкент