Сурхондарё вилояти Транспорт бошқармаси ҳамда “Термизтранспортхизмат” МЧЖ ҳамкорлигида Хитойнинг “Зҳонгтонг bus” компаниясида ишлаб чиқарилган 35 та замонавий автобус вилоятга етказиб келинди. Бу ҳақда Транспорт вазирлиги хабар берди.

Яқинда фаолиятини бошлаган Мангузар автошоҳбекатида ушбу автобусларни фойдаланишга топширишга бағишланган тантанали маросим бўлиб ўтди.

Тадбирда Сурхондарё вилояти ҳокими Улуғбек Қосимов, “Зҳонгтонг bus” компанияси расмийлари, транспорт соҳаси мутасаддилари, жамоат фаоллари ва нуронийлар иштирок этди.

Замонавий автобуслар тантанали равишда компания вакиллари томонидан вилоят раҳбарига топширилди.

Янги автобуслар тўлиқ “Брутто” шартномаси асосида шаҳар ички йўналишларида қатновни бошлаши кутилмоқда.

• Автобус
• Импорт
• Сурхондарё
• Термиз
• Хитой