“Ўзенергоинспексия” Сурхондарё вилоят ҳудудий бошқармаси ва газ таъминоти корхонаси ҳамкорликда ўтказилган назорат тадбирида Термиз шаҳрида “Т.М.П.” МЧЖга қарашли 2 та 16 қаватли турар-жой биноси ўзбошимчалик билан табиий газдан ноқонуний фойдаланиб келаётганлиги аниқланди.

Ушбу қоидабузарлик натижасида, газ таъминоти корхонасининг дастлабки ҳисоб-китобларига кўра, 4 миллиард 576 миллион сўмлик зарар етказилганлиги маълум бўлган.

Ҳозирда ҳуқуқни муҳофаза қилиш органлари томонидан терговга қадар текширув ишлари олиб борилмоқда.

• Газ
• Qoidabuzarlik
• Сурхондарё
• Термиз