Британия шаҳзодаси Гаррининг (Тўлиқ номи - Ҳенри Чарлз Алберт Давид - Қирол Чарлес ва Малика Диананинг кичик ўгли) Афғонистонда хизмат қилаётган вақтида содир этган қотилликлари ҳақидаги маълумотлари судга берилиши керак, чунки улар инсониятга қарши жиноятдир. Бу ҳақда кеча, 6 январь куни Афғонистондаги ҳукмрон “Толибон” ҳаракатининг юқори мартабали вакили Суҳайл Шаҳин маълум қилди.

Шоҳин Британиянинг Sky News телеканалига берган интервюсида: “Улар [ўлганлар] ўз ватанлари учун озодлик учун курашувчилар, сиз эса босқинчилар эдингиз”, дейди.

Унинг фикрича, шаҳзода Гарри “инсониятга қарши жиноятлар билан шуғулланувчи суд”нинг саволларига жавоб бериши керак.

Аввалроқ, Британия ОАВларида 10 январдан сотувга чиқадиган шаҳзоданинг Захира деб номланган автобиографиясидан парчалар чоп этилган эди. Ушбу китобда шаҳзода Гарри, хусусан, Афғонистонда 25 нафар Толибон жангчисини ўлдирганини, у ерда Апаче вертолётини бошқарганини ёзган. “Мен учун бу рақам [ўлдирилган] 25. Бу рақам мени ғурурга тўлдирмайди, лекин мени безовта ҳам қилмайди”, деб ёзади у.

• Афғонистон
• Буюк Британия
• Олий суд
• Tolibon
• qirol