Транспорт инфратузилмасини янгилаш доирасида Тошкент метрополитени бекатлар жиҳозларини фаол модернизация қилмоқда. Ўтган йили “Новза” ва “Халқлар дўстлиги” бекатларидаги эскалаторлар тўлиқ алмаштирилган эди, 2025 йил 31 мартда эса “Мустақиллик майдони” бекатида янги эскалатор ишга туширилди. “Пахтакор” ва “Ҳамид Олимжон” бекатларида эскалатор ўрнатиш ишлари якунланмоқда.

Метронинг қулайлигини ошириш мақсадида “Буюк ипак йўл” бекатида ногиронлиги бўлган шахслар учун илгари “Халқлар дўстлиги” бекатида жорий этилган электрон кўтаргичлар ўрнатилмоқда. Йил охиригача яна 16 та бекатда шундай кўтаргичлар пайдо бўлади.

Бундан ташқари, “Буюк Ипак Йўли” бекатида санитария хоналари пайдо бўлди – илгари улар фақат “Чилонзор” бекатида мавжуд эди.

Йил охиригача яна саккизта бекатда шундай хоналар очилади, “Амир Темур хиёбони”, “Пахтакор” ва “Беруний” бекатларида эса ишлар якуний босқичда. Транспорт вазирлиги метрополитенни модернизация қилишни давом эттирмоқда.

• Metropoliten
• Тошкент
• Transport vazirligi