Хаби Алонсо расман Мадриднинг “Реал Мадрид” клуби бош мураббий этиб тайинланди. Бу ҳақда мадридликлар матбуот хизмати маълум қилди.

43 ёшли испаниялик мутахассис клуб билан 2028 йил ёзигача мўлжалланган шартнома имзолади. Битим 1 июндан бошлаб фаоллашади.

Хаби Алонсо 2022 йил октябридан буён Германиянинг “Баер” клубини бошқариб келаётган эди. Унинг қўл остида Леверкузен жамоаси Бундеслигада илк бор чемпионликни қўлга киритди, шунингдек, Германия Кубогида ҳам ғалаба қозонган.

Эслатиб ўтамиз, Алонсо 2009–2014 йиллар оралиғида “Реал” сафида футболчи сифатида тўп сурган ва жамоа билан 6 та совринни, жумладан Ла Лига ва Чемпионлар Лигаси кубогини қўлга киритган.

Алонсонинг расмий таништирув маросими эртага бўлиб ўтиши режалаштирилган.

• Футбол
• Real
• murabbiy