Тошкент метрополитенининг тез-тез бузилишининг асосий сабаблари айтилди.

Маълум қилинишича, метрополитен ҳаракати таркибларида 6-7 маротаба 2 дақиқадан 12 дақиқагача тўхтаб қолиш ҳолатлари kuzatilgan.Mutaxassisning айтишича, ҳаракат таркиблари ва қурилмалари мавжуд электродеполарда тизимли равишда белгиланган жадвал бўйича техник кўрикдан ўтказиб келинади. Йўналишларнинг сўнги бекатларига борилганда ҳам ҳаракатга чиқишдан олдин машинистлар томонидан текширув ишлари олиб борилади.

Аммо йўловчилар сонининг кескин кўпайиши метро вагонларга белгиланган йўловчилар сонини 2 карра кўпайиши ва бунинг ҳисобига вагонларга нормадан ортиқ юклама тушиб кетиши метро поездларини тез-тез бузилишига олиб келмоқда.

Шунингдек, йўловчилар томонидан вагонларда ва метрополитен ҳудудида шахсий буюмларни қолдириб кетиш каби ҳолатлар кузатилмоқда. Бунда текшириш мақсадида йўналишдаги поездни ҳаракати йўналишидан олинади ва ҳаракат интервалини узайишига олиб келади. Бу каби ҳолатлар бир ой давомида 9-10 маротаба учрайди.Таҳлилларга кўра, йўловчилар оқимининг салмоқли қисми эрталабки тиғиз вақт (7:30 дан 9:30 гача) ва кечги тиғиз вақтга (15:30 дан 19:00 гача) тўғри келиши маълум бўлган. Қайд этилишича, метрополитен нозимлари (диспетчер) томонидан кўрилган зарурий чоралар натижасида, электропоездларнинг тезкор равишда жадвал (график) асосида ҳаракатланиши ташкил қилинади. 2024 йил давомида яна қўшимча 104 дона замонавий метро вагонларини харид қилиш кўзда тутилган. Бунинг натижасида тасарруфдаги ҳаракат таркибларини янгиланишига ҳамда йўналишларда поездлар оралиқ интервалини қисқартиришга эришилади.

• Метро