Ижтимоий тармоқларда Тошкент шаҳар Мирзо Улуғбек туманида кўчада 18 ёшли қиз севган йигити томонидан калтаклангани ҳақида хабарлар тарқалган эди. Мазкур ҳолат юзасидан Тошкент шаҳар ИИББ маълумот берди.

Маълум қилинишича, жорий йилнинг 14 апрель куни тахминан соат 11:50 ларда Мирзо Улуғбек тумани Мирзо Улуғбек кўчасида 2003 йилда туғилган С.А. ўзининг таниши 2006 йилда туғилган А.Ж. билан келишмовчилик оқибатида тортишиб қолгани сабабли унга куч ишлатган. Жанжал вақтида С.А. қизга тан жароҳати етказган. Оқибатда жабрланувчи шифохонага мурожаат қилган.

Хабарга кўра, мазкур ҳолат юзасидан Мирзо Улуғбек тумани ИИО ФМБ Тергов бўлими томонидан Жиноят кодексининг 277-моддаси (Безорилик) билан жиноят иши қўзғатилиб, тергов ҳаракатлари давом этмоқда.

• Жиноят
• Мирзо Улуғбек
• Тошкент
• tuman
• yigit