Тошкент шаҳрида валюта қимматликларининг ноқонуний муомалага киритилишининг олди олинди. Бу ҳақда Бош прокуратура ҳузуридаги Иқтисодий жиноятларга қарши курашиш Департаментининг матбуот хизмати хабар берди.
Қайд этилишича, Бош прокуратура ҳузуридаги Департаментнинг Тошкент шаҳар бошқармаси томонидан ИИББ ходимлари билан ҳамкорликда тезкор тадбир ўтказилган. Ушбу тадбир давомида, Чилонзор тумани, Бунёдкор шоҳ кўчаси ҳудудида валюта айирбошлаш билан шуғулланиб келган А.Г., Г.Н. ва бошқалар жами 4 200 АҚШ долларини фуқаро M.A.гa 48 млн сўмга сотган вақтида ушланган.
Шундан сўнг, ҳуқуқ тартибод ходимлари томонидан уларнинг ёнидан 13,2 млн сўм, 35 АҚШ доллари ва 20 минг Қозоқ тенгеси ашёвий далил сифатида олинган.
Мазкур ҳолат юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят иши қўзғатилиб, тергов ҳаракатлари ўтказилмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!