Аввалроқ Жиноят ишлари бўйича Тошкент шаҳар Яшнобод туман суди судяси 4 минг долларни пора тариқасида олаётганда қўлга олингани ҳақида хабар берилганди.

Бугун Судялар олий кенгашининг навбатдан ташқари йиғилиши бўлиб ўтди. Унда Бош прокурорнинг Тошкент шаҳар жиноят ишлари бўйича Яшнобод туман суди судяси И. Б. ни Жиноят кодексининг 210-модда 3- қисми билан жиноий жавобгарликка тортишга оид тақдимномаси муҳокама қилинди.

Кенгаш хулосаси билан И. Б. ни жиноий жавобгарликка тортишга розилик берилди ва унинг судялик ваколати тўхтатилди.

Тергов сири ва айбсизлик презумпсияси талабларидан келиб чиқиб, бошқа тафсилотлар ошкор қилинмайди дейилади хабарда.

• JK
• Олий суд
• Тошкент