2022 йилнинг 7 ноябрь куни ижтимоий тармоқларда Тошкентда 47 ёшли эркак 6 ёшли қизчага тегажоғлик қилишга урингани акс этган видео тарқалган эди.

Ўшанда Тошкент шаҳар жиноят ишлари бўйича Юнусобод туман судида 6 ёшли қизалоққа тегажоғлик қилишда айбланаётган R.Sh.ga нисбатан жиноят иши кўриб чиқилаётгани ҳақида хабар берилганди.

Маълум қилинишича, 2022 йилнинг 22 декабрь куни Жиноят ишлари бўйича Тошкент шаҳар Юнусобод туман суди томонидан Р.Ш. (1975 й.т.) ни Жиноят Кодексининг 25 (жиноятга тайёргарлик кўриш) ва 119-моддалари (Жинсий эҳтиёжларни ғайритабиий шаклда мажбуран қондириш) билан жиноят содир этганликда айбдор деб топиган.

Олий суд хабарига кўра Жиноят кодексининг 25-модда 4-қисми ва 119-моддаси асосида ушбу кодекснинг 57-моддасини қўллаган ҳолда 10 йил муддатга озодликдан маҳрум қилиш жазосига ҳукм қилинди. Жазони ўташ умумий тартибли колонияларда белгиланган.

Қайд этиш мумкин, 2022 йилнинг октябр ойида номаълум эркак кўчада ўйнаб юрган 6 ёшли қизлардан бирини чақириб, кўп қаватли уйнинг подездида унга тегажоғлик қилишга уринган. Қизнинг қичқиришига йўл қўймаслик учун қўллари билан унинг оғзини ёпган. У ерда эшил товушини эшитгач, эркак уни кийинтириб, 10 га қадар санашни айтган ва кейин чиқиб кетган.

Қиз воқеа ҳақида онасига айтган, онаси эса ҳуқуқ-тартибот идораларига мурожаат қилган, эркак камера ёзувлари ёрдамида 24 соат ичида топилган. Тергов жараёнида у бир неча бор кўрсатмасини ўзгартирган. Психологик текширув қизалоқда жинсий зўравонликдан кейинги аломатларга ўхшаш стрессни аниқлаган эди. Мутахассислар ҳам у ҳақиқатни гапираётганини тасдиқлаган.

• Жиноят
• Олий суд