2025 йилнинг 18 сентябрь куни соат 18:50 ларда “12-Автобус саройи” филиали тасарруфида бўлган, Ютонг русумли, давлат рақами 01|029 ТКА, сарой рақами 12-087-бўлган, 62-сонли (Дўстлик 2-мавзеси-Муҳаммад Юсуф кўчаси) йўналиш бўйлаб ҳаракатланадиган автобус ҳайдовчиси Л.Ч. автобусни Яккасарой тумани, КХАЙ кўчаси бўйлаб бошқариб бораётиб, автобус ҳаракатини қарама-қарши йўналишни ажратиб турувчи бўлаги томон ўзгартириб, ҳаракатланиб кетаётган вақтида, йўлнинг пиёдалар ўтиши учун белгиланмаган қатнов қисмидан, тўхтаб турган автотранспорт воситаларининг орасидан ўтаётган пиёда С.Н.ни уриб юбориб, йўл-транспорт ҳодисасини содир этган. Бу ҳақда “Тошшаҳартрансхизмат” АЖ ахборот хизмати хабар берди.

Ҳайдовчи, зудлик билан автобус ҳаракатини тўхтатиб, пиёда С.Н.ни 16-сонли РШТТЙКИМга олиб борган ва унга биринчи тез тиббий ёрдам кўрсатилган.

Содир бўлган йўл-транспорт ҳодисаси ўрнатилган тартибда, Тошкент шаҳар ИИББ ЙҲХБ ЙПХ масъул ходимлари томонидан расмийлаштириб, дастлабки терговга қадар суриштирув ишлари олиб борилмоқда.

• Автобус
• Halokat