2026 йилда алкоголь ва тамаки маҳсулотлари бўйича акциз ставкаларини унификация қилиш, қандли ва энергетик ичимликлар учун прогрессив солиқ жорий этиш, шунингдек, картошка чипсларига акциз белгилаш режалаштирилган.

Истеъмол ва техник этил спирти учун акциз солиғи ставкаси 15 000 сўм даражасида сақлаб қолинади. Этил спиртининг бош фракцияси учун акциз 5 000 сўмга туширилади.

2026 йил 1 февралдан арақ ва коньяк учун акциз ставкаси маҳаллий маҳсулотлар учун 1 литрига 48 000 сўм, импорт маҳсулотлар учун 60 000 сўм этиб белгиланади. 2026-йил 1 июлдан эса маҳаллий ва импорт маҳсулотлар учун ягона ставка — 1 литрига 48 000 сўм жорий этилади.

Шу санадан бошлаб вино ва пиво учун ҳам янги акциз ставкалари белгиланади:

- маҳаллий табиий вино учун — 1 литрига 7 000 сўм;

- импорт учун — 12 000 сўм;

- бошқа турдаги винолар учун — 9 000 сўм ва 15 000 сўм;

- пиво учун — 3 000 сўм ва 5 000 сўм.

2026 йил 1 июлдан ставкалар унификация қилингач:

- табиий вино — 1 литрига 10 000 сўм;

- бошқа винолар — 12 000 сўм;

- пиво маҳсулотлари — 4 000 сўм этиб белгиланади.

2026 йил 1 июлдан фильтрли ва фильтрсиз сигареталар, папирослар, сигарилла, биди ва кретеклар учун акциз ставкаси 1 000 донага 365 000 сўмга оширилади.

2026 йил 1 февралдан маҳаллий ва импорт маҳсулотлар учун қуйидаги ставкалар жорий этилади:

- 1 дона цигара учун — 21 500 сўм;

- калян тамакиси ва қўл билан ўралган сигареталар учун тамаки — 1 кг учун 642 000 сўм; — қиздириладиган тамаки стиктари — 1 кг учун 481 500 сўм;

- вейп суюқлиги — 1 мл учун 2 140 сўм.

• Aлкогол
• Солиқ
• Тамаки