Тошкентда тўхтаб турган “Captiva” ёниб кетди. Ҳолат юзасидан Йўл ҳаракати хавфсизлиги бошқармаси изоҳ берди.

ЙҲХБ берган дастлабки маълумотларга кўра, бугун, 1 февраль куни соат 08:30 ларда Тошкент шаҳар Шайхонтоҳур тумани КХАЙ кўчасидаги 5-уй олдида тўхтаб турган, фуқаро А.Б.га тегишли “Captiva” русумли автомобилда ёнғин юзага келган.

Ёнғин ўт ўчирувчилар томонидан бартараф этилган. Бир нафар фуқаро куйиш жароҳати билан шифохонага олиб кетилган.

Мазкур ҳодиса юзасидан ЙҲХБ ҳамда ФВБ ходимлари томонидан суриштирув олиб борилиб, ёнғин юзага келишининг сабабларига аниқлик киритилмоқда.

“Барча ҳайдовчилардан бошқарувидаги транспорт воситасининг техник созлигига эътиборли бўлишларини сўраймиз”, – дейилади хабарда.

• Тошкент
• ЙҲХБ
• ёнғин