Тошкентда фуқаро канализация қувурини таъмирлаш мақсадида қазилган чуқурга тушиб кетди. Бу ҳақда Тошкент шаҳар фавқулодда вазиятлар бошқармаси матбуот хизмати хабар берди.

Қайд этилишича, кеча, соат 19:13 ларда М.Улуғбек тумани, Олтинтепа кўчасида жойлашган хонадонларнинг бирида, уй эгалари томонидан канализация қувурини таъмирлаш мақсадида қазилган чуқурнинг ўпирилиши ҳамда бир фуқаронинг тупроқ остида қолиб кетганлиги бўйича Тошкент шаҳар фавқулодда вазиятлар бошқармасига хабар келиб тушган.

Шундан сўнг, бошқарма ходимлари воқеа жойига етиб боришган. Зудлик билан олиб борилган ҳаракатлар натижасида фуқаро хавфсиз жойга олиб чиқилган ҳамда тез тиббий ёрдам бериш ходимларига топширилган.

“Айни вақтда фуқаронинг аҳволи яҳши” – дейилади хабарда.

• Favqulodda vaziyatlar